لا تندم ولا تبكي على الماضى ولا تندم علي ما فات غزير الدمع لو ينفع ترى ما صار معياره
صحيح اني سموح النفس وانسى معظم الزلات ولكن عزتي تمنع عليك اتعدّي اسواره
زرعت السيف في صدري وزدت بقلبي الونات ولا راعيت في قلبي حشيِمه وانت في داره
أحَسب ان الهوى لعبه ولا جربت به هفوات ومن جرحك عرفت ان الهوى مسكين من زاره
عرفتك بالهوى لحن وسمعتك باعذب الاصوات ولكن من بديت اعزفْك عودي انقطعت اوتاره
عرفتك صاحب ٍ وافي ولا تلحقني الشكات من اول ما نخيته غاب عني وضاعت i اخباره
بعد هذا !! تبي كل ماصدر منك يمر بسكات أنا مارضى على نفسي تكون بيوم منهاره
أنا ساعات احس انك وفي وتحبني وساعات أحس انك دخيل ٍ بالهوى واتسمّم افكاره
غرورك صار لك سيد عمى عقلك وقلبك مات واشوف ان الخطا منّك تعدى وزادت اشباره
واذا حبك بدا يصحى تجاهي من بعد غفلات انا حبي ترى من أمس صوبك جفت امطاره
ولا تبكي على الماضي ولا تندم على مافات غزير الدمع لو ينفع ترى ماصار معياره
وسلامتكم &&&&&&&&&
موضوع: لا تندم ولا تبكي على ما فات 
الثلاثاء أبريل 08, 2008 12:13 pm
