اعطوني رائكم بــ ( حب قبل الزواج _ و _ حب بعد الزواج )

السلام عليكم

شلونكم وشخباركم .. عساكم بخير ..

طرحت هالموضوع وادري ان في ناس من مؤيدين الحب قبل الزواج وفي ناس لأ

واللي لفت نظري على هالموضوع ان واحد من الربع مع السوالف قال " ويييي احنا ب 2008 منو يتزوج زواج تقليدي !؟ .. "

وصار نقاش قوي على هالموضوع

في شباب قالوا والله بنات هالايام وينهم وين الحب ..

وغيرهم قال لا والله انا ادرسها وتدرسني عشان لما نتزوج نكون متفاهمين


ووايد اراء على هالسالفه ..


ومن رايي الشخصي

اشوف كل نوع له مميزاته وسلبياته ..

وابدي معاكم من الحب قبل الزواج ..

مميزاته

- انكم تكونون فاهمين بعض وعارفين بعض عدل وكل واحد عارف عيوب ومزايا الثاني
- تكونون عارفين نظام حياة بعض .. يعني طبيعة الدوام والشغل وترتيب الوقت ووقت الاكل وغيره وغيره من الامور اليوميه ..
- حلو لما تحلمون بأشياء وتحققونها لما تتزوجون ( مثلا تسمون عيالكم .. او تقولون والله شهر العسل بالمكان الفلاني .. وغيرها )

سلبياته

- وايد من الناس تزيد نسبة الشك عندهم وبعضهم الله يهديهم يقول والله مثل ما كلمتني تكلم غيري !!
- يمكن يكون نوع من الروتين وقت الزواج على بعض وماكو شي يديد ..
- في اطباع تكتشفونها بعد الزواج لأن العشره والعيش تحت سقف واحد غير وايام ماكنتوا تعرفون بعض غير لان معرفتكم مقتصره على تلفون ومهما كانت المده من قبل لابد من اشياء واطباع مخفيه ..
- تكون انت المسؤول عن اختيارك والمشاكل اللي تصير بينكم ما تدخل الاهل لان هذا اختيارك وهذا اللي بغيته ..
اما الحب بعد الزواج

مميزاته
- ان يكون في نوع من الغموض والفضول لمعرفة الطرف الاخر
- ان الحب راح ايي مع العشره ومعرفة اطباع بعض فهالشي ممكن يقوي العلاقه
- السنوات الاولى راح يكون في نوع من الاثاره لان كل شخص عنده اشياء وايد يبي يعرفها من الثاني

سلبياته
- لما تنصدم بماضي الطرف الثاني خاصه اذا كان سيء ( شي واقعي صار حق وحده من الاهل انصدمت بماضي زوجها ... )
- لما تكون طبيعتك و تصرفاتك مخالفه للطرف الثاني ..
- لما تدخل اهلك بكل صغيره وكبيره لانهم اختاروا لك الطرف الثاني ..
والله هالنقاط هذيل بسس اللي على بالي الحين

و من وجهة نظري طبعا ..

واكيد كل شخص له نظريته وله وجهة نظره

واتمنى انكم تشاركوني باراءكم ..

ويعطيكم العافيه .........

الحب قبل الزواج فيه صعوبه لبعض الشباب من الشكوهدي الاشياء

والحب بعد الزواج ممكن يكون الحب من فترة الخطوبه يحبو بعضهم ويتفهمو على بعضهم

ويسلموو على الموضوع الرائع

تسلم ع المرور قلبي
بس نظرتي الحب قبل الحب ينتهي عند الزواج واذا دام محضوض من وقع فيه
والحب بعد الزواج يدوم لانهم تعرفو ع بعض وصار بينهم عشرة مرة وحلوة

دمت وتسلم ع المرور
انثى من حرير

والله الحب قبل الزواج أفضله ع الحب اللي بعد الزواج
لأنه يوضح مميزات وسلبيات الحبيبين اذا يحبون بعضهم بصدق

واذا الشاااب عنده شك في ان البنت اللي تكلمه تكلم غيره ليه يكلمها خليها تشوف حياتها

ومافي شك ان الزواج بعد الحب في له مميزات

بس انا أأيد الحب قبل الزواج

تحيااتي
مجنوونهـ

مالي صلااح بهذا الموضووع
<<تمزح

احم احم
من رايي ان كل الثنين لهم سلبيات وايجابيات

مثلا مثل ما قالت مجنونه تتعرف على الشخصيه ومميزاته والاشياء اللي يفضلها

والحب بعد الزوااج حيكوون في ثقه بينهم لانه ماعرفها ولا رااح يقولها اللي خلاكي تكلميني ةتحبيني يخليكي تسويها فيا وتستغفليني هذه عادة شباب الايام هذه

وبـــــــــــــــــــس

مشكووره على المووضووع

بسبوسه

تسلمي بسبوسة ومجنونة ع المرور والرد
وانا قلت لكم وش هي نظرتي
ودمتووووووو
انثى من حرير

لاتزوجت بقلك
هههههه
صراحه احسه بعد الزواج احسن
مدري هذه رااااي
يصلمو على الموصضوووع
ولاتحرمينا من طلتك
سلااااااااااام