فيه ولد طفران (ماعنده ولا ريال) راح لابوه وقاله : عطني 15 ريال,,ودي
اشتري كوره
الاب : أقول إنقلع عني تراها واصله معي
الولد : تكفا يبه,,بس 15 ريال والا اقولك خلها عشرة ريال
الاب : ماعندي فلوس ... إذا تبي فلوس رح بع الديك حقك المريض
اللي بالحوش ..
الولد :بس هذا مريض ومحد بيشتريه
الاب : ماعلي منك,,,دبر نفسك
والله الولد استسلم للأمر الواقع واخذ الديك
أول واحد قابله في وجهه اكيد أبوه....قاله الولد: تشتري الديك؟
الاب : اقول بتنقلع عني ولا أقوم اتوطا في بطنك الين تعض الارض !!
الولد :خلاص خلاص لاتنفخ طلع الولد من البيت ومعه الديك في محاوله
يائسه إن الديك ينباع عرض الديك على أهل الحاره كلهم ولا واحد فيهم
قبل إنه يشتري الديك قال الولد: ممممممممم, والله مالي إلا
فلانه,,عقلها خفيف وأكيد بقدر ألعب عليها بسهوله فلانه هذي كانت
وحده متزوجه بس للاسف كانت رايحه فيها وراعية حركات هشك بشك
وتلعب بذيلها من ورا زوجها
المهم ما علينا منها
راح لها الولد عشان يبيع عليها الديك
الولد : تشترين الديك ؟
فلانة : هلا والله بحبيبي .. تعال قرب مني عشان ابوسك بوسه خفيفه
الولد :اقول مانيب فاضي لك .. اشتري مني الديك وخليني اروح
تروح مين ياعمري!! انا ماصدقت إني شفت رجال عندي
في البيت ...
الولد :ومنهو اللي قالك إني رجال؟ خذي مني الديك وخلينا أنقلع
شوي الا الباب يدق خافت الحرمه وقالت للولد تعال انخش في
الدولاب لايطلع زوجي ثم نروح فيها.
حطت الولد في الدولاب وراحت فتحت الباب إلا وطلع صديقها اللي
تخون زوجها معاه ..
هي :هلا والله بعمري وحياتي
المغازلجي : يا هلا فيك عمري.... ما أمدا الرجال يكمل كلمته إلا والباب يطق
هي : ياوووويلي ويلاه,,هذا شكله زوجي,,,تعال وادخل في الدولاب
دخل خوينا في الدولاب وفجاه في عز الظلام سمع صوت يكلمه داخل
الدولاب ويقوله: تشتري الديك؟
الرجال: اصصصصصصصص,,, وطى صوتك الله يرحم والديك لاتفضحنا
الولد :أقول تشتري الديك و لا لا ؟؟
الرجال: خلاص بشتري الديك بس قصر على حسك تكفا,,,
الولد :طيب
الرجال: بس بكم تبيعه؟
الولد :ب100 ريال
الرجال: وشو !!!!!!!!!!!! هالديك المنتوف المريض ب 100ريال!!!!!!!!!!!!
الولد :تبي تشتري ولا ارفع صوتي؟
الرجال: لا لا خلاص,,ابشتري وأمري لله جلسو 5 دقايق
الولد :تبيع الديك؟
الرجال: توك بايعه على يابن الحلال!!
الولد :تبيعه علي ولا ارفع صوتي؟
الرجال: لا لا خلاص,,اببيعه وأمري لله,,بكم تشتريه؟
الولد :بريال
الرجال: وشو !! بريال!!!! انا مشتريه منك ب 100 ونت تشتريه مني
بريال!!!!!
الولد :تبيعه علي ولا ارفع صوتي؟
الرجال: لا لا خلاص,,اببيعه وأمري لله جلسو 5 دقيق
الولد: تشتري الديك؟
الرجال: ياخوي توني مشتريه منك!
الولد :تبي تشتري ولا ارفع صوتي؟
الرجال: لا لا خلاص,,ابشتري وأمري لله,,,بكم تبيعه؟
الولد :ب200 ريال
الرجال: الله يمحط بك انشالله,,,,توني مشتريه منك ب 100 ريال!
الولد :تبي تشتري ولا ارفع صوتي؟
الرجال: لا لا خلاص,,ابشتري وأمري لله جلسو 5 دقايق
الولد :تبيع الديك؟ -الرجال: انا لله وإإنا إليه راجعون,,,,,بكم تبي تشتريه؟
الولد :بريال
الرجال: وش تبيني أقول!! تبيني أبكي ولا أشقق هدومي,,,,يالله خذ
الديك وببلاش بعد اخذ الولد الديك
شوي ألا الحرمه فاتحه عليهم الدولاب وقالتلهم: يالله بسرعه انحاشو
دام إن زوجي في الحمام,,بس واحد ورا الثاني وبشويش عشان
لايحس فيكم زوجي
طلع الرجال وانحاش ولحقه الولد بعده ب5 دقايق المهم,,,قام الولد
يتمشى في الشارع وهو متشقق من الوناسة صار معه فلوس .. بعدين راح
للبيت يوم دخل البيت شاف ابوه قدامه .. راح قال لابوه : تشتري الديك؟
الأب ناظر فيه والشرار طالع من عيونه وقاله: مايكفيك يابن الكلب الــ 300
ريال اللي لطشتها مني في الدولاب؟؟؟
AmOoOoRy..17>>moon
موضوع: ولد طفران ما عنده ولا ريال 
الثلاثاء أبريل 08, 2008 3:59 pm
